A Asociación de Veciños Os Rexumeiros quere co presente comunicado facer pública a súa condena enérxica a actitude da Xunta de negar o realoxo no entorno aos veciños expropiados polo campus de Elviña.
Fronte ás promesas dos actuais responsables da Xunta de facer cumprir a normativa que obriga a realoxar os veciños expropiados no propio lugar, o Instituto Galego de Vivenda e Solo acaba de ordenar o desaloxo das dúas primeiras casas e dáselles como única posibilidade ser realoxados en pisos da Coruña.
Os veciños expropiados de casa conseguiran no ano 2009 o acordo para seren realoxados en Castro de Elviña. O cambio político na Xunta propiciou que este acordo non se firmase.
Tras diversas reunións con diferentes cargos da Xunta, que se reafirmaron na busca dunha solución, a asociación obtivera a promesa do director do Instituto Galego de Vivenda e Solo, para negociar o realoxo tras adxudicar as obras da Área Residencial de Elviña.
Entendemos que botar os primeiros veciños para pisos da Coruña sen darlles unha mínima garantía de seren realoxados en Castro de Elviña, tal e como fora prometido, é unha violación dos dereitos dos veciños a un realoxo digno no entorno.
Ante esta situación os veciños adoptarán todas as medidas que estean nas súas mans para evitar este atropelo.
Suscribirse a:
Enviar comentarios (Atom)
Algúns xa empezabamos a crer que era verdade iso de que a Xunta fixera un goberno de tecnocrátas, e vén a realidade para amosarnos o autoritarismo.
ResponderEliminarChama a atención que nin disimulen nas súas propias mentiras. Na prensa a propia Xunta dicía que se buscaría un acordo ao realoxo tras a adxudicación da obra.
Menudo acordo ese de tomar unha decisión unilateral. Trátase dun concepto raro de acordo. Non é de recibo.
Lembrade que a vitoria é sempre frente!