A Xunta accede a realoxar de forma temporal aos expropiados de Castro de Elviña no propio núcleo

El Ideal Gallego

19/08/10

A Coruña

Os expropiados de Castro de Elviña para construír a residencia universitaria respiran desde onte algo máis aliviados, ao conseguir arrancarlle ao delegado da Xunta, Diego Calvo, o compromiso de que o seu realoxo temporal se realizará no propio núcleo no que residen desde hai varias décadas e non nos pisos propostos polo Instituto Galego de Vivenda e Solo (IGVS), na avenida de Salvador de Madariaga. Así mesmo, ambas partes acordaron negociar no prazo dun mes unha proposta de realoxo. Ata entón, o Goberno galego garante aos expropiados que non executará a orde de desaloxo emitida para dous dos propietarios, prazo que expirou o pasado día 14.

Lorena Fernández > A Coruña

“Menos preocupados”. Así saíron onte da reunión co delegado da Xunta, Diego Calvo, os expropiados de Castro de Elviña pola construcción da residencia universitaria. Aínda que os afectados se presentaron no encontro con escasas expectativas, saíron del cun principio de acordo baixo o brazo, a través do que o Instituto Galego de Vivenda e Solo (IGVS) accede a que o realoxo temporal dos veciños se leve a cabo no propio núcleo, tal como demandaran desde un primeiro momento.

Mentras se levan a cabo os traballos do novo complexo estudiantil, as dúas familias que actualmente residen nas vivendas que deberán ser derribadas poderán trasladarse a outras casas da zona, en vez de aos pisos ofrecidos inicialmente pola Administración galega, na avenida de Salvador de Madariaga. Aínda que os responsables do organismo autonómico manteñen esta opción, agora tamén se ofrecen a pagar aos expropiados o importe de aluguer máximo fixado por ley para que eles mesmos escollan o inmoble no que queren vivir. “Alí hai casas que se encontran deshabitadas e que poden ser alugadas polos afectados”, manifestou o representante do barrio, que considera “que, sen dúbida, o cambio é para mellor, porque alomenos poderán manter os seus hábitos de vida no entorno”.

Acta > A acta asinada polos asistentes á reunión reflexa ademais o compromiso do Executivo galego de non executar a orde de desaloxo, prazo que expirou hai cinco días, sen que se plasme por escrito a proposta de realoxo, para o que ambas partes se fixaron un período dun mes para a súa negociación. Segundo Maceiras, a base deste documento serán as condicións acordadas coa Xunta anterior, que quedaron en suspenso coa chegada do novo Goberno, en 2009, pero que, entre outros puntos, xa prevía a reubicación no entorno. A intención é, a partir do caso concreto das familias afectadas pola residencia, elaborar un “texto básico” que sirva de “marco” para o resto de expropiacións neste lugar, pois na ampliación do campus encóntranse diversas administracións implicadas que, en total, prevén a afectación dunha docena de casas. “O que queremos é que todas as administracións teñan que facer o mesmo á hora de expropiar, para que todos os veciños teñan as mesmas condicións”, manifestou o representante vecinal.

Satisfacción > Para os donos das fincas nas que xa se levou a cabo o levantamento das actas de ocupación, o preacordo acadado con Calvo resulta satisfactorio. “Polo menos quédache a tranquilidade de non estar todos os días pensando sobre cando virán a botarte”, manifestou unha das afectadas, Mercedes Gómez, que adiantou que nestes días comenzará a buscar unha nova casa nas inmediacións á que poder trasladarse xunto a seu pai, Perfecto Gómez, que, no baixo da vivenda na que aínda residen, rexenta o último muíño en activo da cidade.

Outros links:

http://www.elcorreogallego.es/galicia/ecg/xunta-paga-realojo-expropiados-elvina/idEdicion-2010-08-19/idNoticia-580952/

http://www.lavozdegalicia.es/coruna/2010/08/19/0003_8677344.htm

http://www.elmundo.es/elmundo/2010/08/18/galicia/1282136371.html

http://www.abc.es/agencias/noticia.asp?noticia=489175

http://www.laopinioncoruna.es/coruna/2010/08/19/xunta-retoma-proyecto-anterior-realojar-vecinos-zona/411899.html