Barcón cualifica de "irrenunciábel" a residencia universitaria pública

El Ideal Gallego

A Coruña

07/07/2011

Débora García>A Coruña

A construcción dunha residencia universitaria en Elviña, o neste caso a paralización do proxecto, segue a ser un tema de gran controversia a nivel municipal. A portavoz do grupo socialista, Mar Barcón, sostiña onte que a devandita residencia é irrenunciábel para que a Universidade da Coruña poda "garantir e potenciar" a súa calidade e o seu nivel educativo e de servizos.

Barcón reprochou a Carlos Negreira o "ter incumprido" algunhas das súas promesas electorais, permitindo que a Xunta anunciase no Diario Oficial de Galicia do pasado 11 de xuño a anulación do proxecto.

A portavoz socialista explicou a disposición que ten o seu partido de estudar diferentes fórmulas para poñer en marcha a residencia. "Cremos que se pode realizar en dúas fases, dar servizos complementarios que se paguen ou incluso modificar o proxecto, pero non paralizalo", afirmou.

Lembrou tamén que para facer posíbel a construcción dunha residencia universitaria pública se levaron a cabo unha serie de expropiacións nos terreos da zona de Elviña que foron posíbeis "grazas aos impostos de todos os coruñeses".

Para Barcón, a cidade "puxo moito da súa parte" para que a Universidade sexa un referente educativo e por iso demandou "ese mesmo compromiso" por parte da Xunta.

Mar Barcón realizaba estas declaración tras manter unha entrevista oficial co reitor da UDC, José María Barja. A portavoz socialista estivo acompañada por representantes do seu grupo municipal, como Nieves Vázquez e Yoya Neira.

Durante o encontro, Barcón ofreceu o apoio do PSOE a todos os proxectos que se leven a cabo desde a Universidade. "Explicamos ao reitor as nosas prioridades e démoslle o noso apoio desde a oposición a todas as iniciativas e demandas que poidan ter".

Ademais da paralización da residencia, os socialistar tamén criticaron o desleixo que está mostrando a Xunta a respeito dos proxectos de investigación que se levan a cabo na UDC e que se manteñen bloqueados de cara ao vindeiro curso, no que cualificaron como unha xestión "absurda" por parte da Consellaría de Educación. Mar Barcón lembrou que a Universidade é unha "empresa de enorme calado e prestixio" na cidade e que supón perto de dous mil postos de traballo para A Coruña.

O PP galego defende que a residencia universitaria pública era "un despilfarro"

La Opinión de A Coruña

A Coruña

30/06/2011

Redacción/A Coruña "Unha herdanza envelenada e unha mostra máis da forma de gobernar e do despilfarro do diñiero público". Así definiu onte o deputado popular Jaime Castiñeira, no parlmento galego, o proxecto de construcción dunha residencia universitaria pública no campus de Elviña "ao que se comprometeu a Xunta" e na que foi anulado o concurso de adxudicación e execución hai pouco máis de dúas semanas para abrir paso a inversións privadas.

Malia recoñecer o apoio do PP galego á construcción "dunha residencia para a que hai que buscar alternativas viábeis". Neste sentido, o popular defendeu a proposta da Xunta de modificar o proxecto inicial de modo que a institución pública pague unha parte e, o resto da inversión, se realice "por concesión de obra pública para a construcción e explotación da residencia", procedemento que comparou coa execución do AVE en Galicia. "O AVE non vai deixar de ser un servizo público e o billete non vai ser máis caro que no resto de España", subliñou o parlamentario.

Para xustificar o cambio de modelo inversor, Castiñeira argumentou que "os custos da execución e mantemento estaban moi por encima da media para estes uso e quedaría comprometido o 65% do orzamento de investimentos do Instituto Galego da Vivenda e Solo (IGVS)". "A da concesión é unha posición constructiva e está na liña na que se debe traballar", concluíu o popular.

O deputado socialista José Luis Méndez Romeu acusou onte á Xunta, durante a súa intervención no Parlamento galego, de "enganar a Universidade da Coruña durante dous anos" ao teren "paralizado" o proxecto orixinal da área residencial proxectada para o campus de Elviña. De feito, o portavoz do PSOE no Pleno autonómico reprochou ao Goberno de Alberto Núñez Feijóo que "agardase até as eleccións municipais" para anunciar que non executaría a iniciativa do bipartito.

"O anuncio do novo proxect en realidade esconde unha perda de tempo e un engano aos veciños xa expropiados aos que prometeu [a Xunta] o realoxo e que aínda non teñen unha solución", comentou o socialista.

Méndez Romeu denunciou tamén que a Xunta "enganar durante dous anos á Universidade da Coruña prometendo un convenio que non se asina e retrasando a decisión até as eleccións municipais, cando o Executivo galego amosou a súa verdadeira intención".

O portavoz do grupo do parlamentario do BNG, Carlos Aymerich, tamén reaccionou onte cando a orde do día do Pleno autonómico chegou ao punto da residencia universitaria. Na súa quenda de intervención, o nacionalista lembrou que A Coruña é "a única cidade universitaria" que carece dunha residencia pública para os estudantes, "a pesar de existir un proxecto xa orzamentado polo anterior Goberno autónomico".

Aymerich fixo referencia tamén á "aparición de infravivendas" provocada, afirmou, polo "déficit de prazas para estudantes universitarios" e reprochou á Xunta que "meta máis cartos nos petos das constructoras e da banca.

O novo modelo de residencia universitaria "indigna" aos veciños de Castro de Elviña

El Ideal Gallego

A Coruña

27/06/2011

P.G.L> A Coruña

Non só a Universidade está descontenta coa decisión da Xunta de anular o concurso para a construcción dunha residencia universitaria pública, co fin de convocar un novo para que sexa unha empresa privada a que se encargue da construcción e explotación do inmoble através dunha concesión. Os veciños de Castro de Elviña, afectados polas expropiacións para poder levantar a instalación, aseguran sentir "indignación" tras o cambio de modelo adoptado polo Goberno galego.

"Aquí non están comprando terreos, senón que os están expropiando para facer unha residencia pública", denuncia Carlos Maceiras, o portavoz dos residentes. Pero os veciños deste núcleo non só están indignados polo cambio de titularidade do edificio. Aseguran que hai meses que non volveron a ter noticias do acordo para os realoxos das dúas familias afectadas, dependente da Xunta.

De acordo co que explica Maceiras, foi o ex-delegado do Goberno galego, Diego Calvo, o que se comprometeu a levar persoalmente o tema, co fin de que se cumprisen as demandas dos veciños, que, tal e como indica, pasaban porque se mantivese o convenio adoptado co anterior bipartito da Xunta, na que se establecía que os afectados polas expropiacións serían realoxados no propio núcleo.

Durante unha reunión con Calvo o 18 de agosto do ano pasado, establecéronse as bases das negociacións. A mediados de setembro de 2010, os veciños de Castro de Elviña recibían o bosquexo do convenio de colaboración, que, nun principio, os residente viron con bos ollos, xa que no devandito documento, o Goberno galego se comprometía a que o realoxo definitivo dos expropiados se realizase no propio núcleo. Ademais, estableciase que as familias que xa recibiran unha orde de desaloxo, poidesen permancecer nas súas casas até o inicio das obras.

Encontro>Tras un parón de varios meses, Maceiras asegura que pedirán unha reunión coa nova delegada da Xunta na Coruña, Belén do Campo, e co alcalde, Carlos Negreira. "Xa fai tempo que solicitáramos outro encontro con Calvo, pero marchou sen decir adiós", conta amolado o portavoz dos afectados de Castro de Elviña, que confía en que o delegado provincial "deixara recado de como estaba a situación aquí".

Maceiras pídelle ás administracións que apliquen "o sentido común" neste asunto. Considera que "a pelota está agora no tellado da Xunta", xa que asegura que os veciños non abandoarán o núcleo "sen ter unha alternativa de realoxo definitiva".

O portavoz dos afectados de Castro de Elviña recorda que os veciños o único que demandan "é que se cumpla a normativa á hora de tomar unha decisión", que, segundo indica, pasa por que o Goberno galego recoloque as familias no propio núcleo. "O proxecto da residencia universitaria ten que ser un tema conxunto, no que se teñan en conta as persoas que viven no entorno", insiste o representante do núcleo, que lembra que a Xunta falara de pagar un alugueiro na zona ás familias afectadas.

Maceiras achaca este nas negociacións ás eleccións do pasado mes de maio. "É lamentable que os veciños teñamos que estar sometidos aos seus intereses partidistas", lamenta este veciño de Castro de Elviña, que asegura que os residentes "seguirán loitando polos seus dereitos até o final do proceso".

Tráfico en Elviña

Cardador garante que se mellorará o tráfico en Castro de Elviña
La Opinión de A Coruña
A Coruña/metro 09/05/09

Redacción /A Coruña. O responsábel municipal das áreas de Tráfico e Seguridade Cidadá, Florencio Cardador, entrevistouse cos representantes dos veciños de Castro de Elviña, con quen se comprometeu a buscar solucións que melloren o tráfico na zona.

O primeiro compromiso de Cardador cos residentes foi falar con outras concellerías para deseñar un itinerario máis seguro que comunique o barrio co centro de saúde de Matogrande.

O responsábel de Tráfico destacou que tamén haberá que considerar o futuro plano de mobilidade, onde deberá incluírse a posibilidade de cambiar o sentido de circulación nalgunhas vías de Castro de Elviña para conseguir que sexan de sentido único e aumentar así a seguridade dos peóns.

Sobre a estrada que une o barrio coa Zapateira, Cardador afirmou que o acondicionamento da vía depende da Deputación, a quen instará para a construcción de beirarrúas e para que pinte e sinalice os pasos de peóns.

Os veciños tamén pediron ao concelleiro socialista que medie ante a Universidade da Coruña para que limpe e pinte as estradas do Campus que conectan con Castro de Elviña, así como ante a Xunta para acondicionar outras vías que son da súa titularidade.

______

Tamén na Voz de Galicia:

http://www.lavozdegalicia.com/coruna/2009/05/09/0003_7705984.htm?idioma=galego

Resolveuse o concurso do Campus Center

Onte compareceu ante á prensa o vicerreitor de Infraestruturas, Xosé Lois Martínez, para dar a coñecer o proxecto gañador do concurso para a construción da área central do Campus, o denominado Campus Center.

O concurso naceu coa idea de vertebrar o campus e ao tempo buscar un punto de encontro coa trama urbana da Coruña. Este proxecto vai facer das inmediacións do estadio universitario o centro neurálxico do campus.

O proxecto gañador foi o do arquitecto ourensán Juan López Villanueva que leva por título Trama 234. Planifica unha zona residencial para estudantes, cun amplo equipamento, con ximnasio incluído, así como un auditorio e edificios para albergar as vicerreitorías. Contará cunha estación intermodal de bus e tren.

O investimento previsto é de máis de trinta millóns de euros a desenvolver en varias fases.

Trátase dunha boa noticia para Elviña, pois é dos primeiros proxectos que non contempla nin a expropiación abusiva sobre as terras de Elviña nin a destrución sistemática do territorio.

Segundo recolle a prensa, o equipo reitoral destacou que durante moitos anos a cidade mirou para o campus como algo alleo, incapaz de integralo na dinámica urbana.

É paradoxal, pois en Elviña levamos tempo reclamando que a Universidade deixe de vernos como algo alleo, e que empece a se integrar no noso territorio, sen ter que estragar nin o noso val nin o noso modo de vida.

Máis INFO:
La Voz de Galicia
La Opinion de A Coruña

Comunicado de prensa dos veciños de Elviña-Castro

A asociación de veciños Os Rexumeiros de Elviña e Castro quere expresar o seu fondo malestar pola absoluta falta de respecto institucional das Consellerías de Vivenda e Industria e do Concello da Coruña para cos veciños expropiados de vivenda para a ampliación do Campus de Elviña, xa que logo incumpriron os compromisos de realoxo que estaban xa negociados e consensuados.

Despois dun ano de negociacións para chegar a un acordo que atendese ao cumprimento da legalidade urbanística que esixía realoxar os veciños expropiados polo campus; despois de que o alcalde da Coruña maniféstase publicamente o compromiso do concello de realoxar os veciños de Castro de Elviña; despois de que os Delegados de Vivenda e Industria se comprometesen a asinar o documento pactado para tal fin; despois de todo iso vemos que todos eses compromisos caeron en saco roto.

É por eses motivos que desde a nosa asociación consideramos culpábeis dunha auténtica tomadura de pelo aos responsábeis da Consellería de Vivenda que cesan, así como ao Concello da Coruña.

Faixa de protesta veciñal na avenida da Vedra

Resulta unha total incoherencia política dos responsábeis que xestionaban as institucións implicadas, que asinen os expedientes de expropiación e a licitación das obras para ampliar o Campus Universitario (Área Residencial Universitaria e Parque Tecnolóxico) sen preocuparse de que once familias vaian ser expulsadas das súas casas.

Parécenos impresentábel que unha Administración pública xogue coas vidas dos veciños comprometéndose a realoxalos para logo deixalos na estacada coa única realidade de documentos oficiais nos que se lles expropia as súas vivendas.

Agardamos que o novo Goberno da Xunta e as súas Consellerías funcionen como unha verdadeira Administración e asinen os compromisos de realoxo acordados coa anterior.

Asociación de Veciños os Rexumeiros de Elviña e Castro
A Xunta Directiva
En Castro de Elviña a 18 de abril de 2009