10/2/12

Flores garante unha residencia universitaria "pública e barata"

El Ideal Gallego

10/02/2012

A Coruña


REDACCIÓN > A CORUÑA

Julio Flores asegurou onte que a Universidade contará cunha residencia pública de calidade e con prezos económicos, “menores aos que se cobran no resto de cidades con residencia”, en declaracións a Onda Cero.


O portavoz do goberno local respondía desta maneira a Mar Barcón, quen calificaba de “miopía política” a decisión tomada pola Xunta de botar atrás o proxecto para a construción dunha residencia universitaria pública, decisión da que acusa ao presidente da Xunta e, en segundo termo, tamén ao alcalde. Tras reunirse onte co novo reitor, Xosé Luís Armesto, Barcón esixiu o cese dos recortes en educación e pediu explicacións polas expropiacións levadas a cabo pola Xunta para unha infraestrutura universitaria “que –sinalou– xa non se fará e que pode conlevar indemnizacións aos veciños de Elviña afectados”.


Tamén o BNG insiste na necesidade de dotar o campus desta infraestrutura

“Non deixaremos de reclamar a residencia, máis aínda tendo presente que –a da Coruña– é a única unidade galega que non ten residencia pública, que non é o mesmo que unha privada, pois non ten os mesmo prezos, non ofrece os mesmos servizos e non representa a mesma oferta”, avanzou a concelleira.


Flores lamentou que Mar Barcón se queixe cando en boa parte o retraso se debe a “outra chapuza na xestión urbanística ocasionada pola súa xestión”. Recordou que a actual portavoz socialista “tivo a súa parte de culpa no retraso da residencia universitaria cando era concelleira de Urbanismo”.

Chantaxe” > Tamén o BNG se uniu onte ás críticas contra a Xunta pola “chantaxe” que, a ollos dos nacionalistas, somete o PP ao ente universitario para que acepte a xestión privada da residencia. “Trátase dunha chantaxe para beneficiar o empresariado e para primar os negocios por riba da calidade no servizo público”, manifestou onte o portavoz do BNG no Concello, Xosé Manuel Carril.


Desde esta formación insisten na necesidade de que a Universidade conte cunha área residencial pública, por ser a única que carece deste servizo a nivel estatal.


Na liña que o PSOE, Carril sinala que o modelo de financiación privado “encarecerá a construción da residencia” e remítese ás iniciativas para buscar acordos que permitan unha xestión pública e unha financiación pública, que, entende, “permitiría garantir que o estudantado puidese facer uso da residencia con independencia da súa capacidade económica”.

2 comentarios:

  1. “Non deixaremos de reclamar a residencia, máis aínda tendo presente que –a da Coruña– é a única unidade galega que non ten residencia pública"

    A conselheira ao respeto ou minte ou simplesmente é que desconhece totalmente do que está a falar, na propria universidade da Corunha o Campus de Ferrol, carece igualmente de residencia.

    Dito isto onde queda exatamente a "credivilidade" do resto do dito pola senhora conselheira??

    ResponderEliminar
    Respuestas
    1. Si, evidentemente, Ferrol nom tem residência universitária pública. O discurso que se montou para justificar umha mega-residência em Elvinha tem um dos seus piares no suposto feito de que a Universidade da Corunha é a única do Estado espanhol que nom conta com residência pública.
      Tam maquiavélico foi o discurso que umha jornalista chegou a dizer que a ausência dumha residência obrigava os estudantes a viver em galpons (?!) e a ter que compartir pisos com outros estudantes (!).
      E falando de credibilidade, e difícil de entender que a Conselhária mantenha o discurso de que se vai fazer na Corunha umha residência privada com preços públicos, porque ou bem encontrar um empresário com vocaçom socialista ou bem a Junta vai ter de subvencionar os estudantes hospedados.
      O da residência universitária de Ferrol é um tema do que já nom se fala hai anos.

      Eliminar